أنا سميتك الجنة

أنا سميتك الجنة وقلت أتوب
وأقوم الصبح وأتوضى فى قلب يدوب
وراضى بقسمتى وعشقى وبالمكتوب
وقادر أخطى ع السكة، وأكون أيوب

أنا سميتك الفرسة، وانا الخيال
تدقى الكعب، وأترقص كما الأطفال
ينام بدنك على كفوفى بكل دلال
وتصحى عيونى وجنونى، بعشق حلال

أنا سميتك الضمة، مع الإحساس
وست الدار واللمة وكل الناس
يا شمس الصبح، بسم الله، قمر وناس
حشيلك تاج على قلبى وفوق الراس

– أغنية انا سميتك الجنة-علي الهلباوي
https://soundcloud.com/mohammed-kamal-92/xotoccplt6cv